कतै तिमी हरायौ कि ?

कतै तिमी हरायौ कि ? 




मेरा उचाइबाट झरेर टुक्रिएका सपनाहरु,

एकनास सम्हाल्दा सम्हाल्दै ,

तिम्ले आफ्ना सपनाका बिस्कुनहरु,

कतै छरपस्ट पार्यौ कि ?


मेरा रहरका शहरका गल्लीहरुमा,

म सगैं बिरालिदै गर्दा,

आफ्ना टुसाउनै लागेका  रहरहरुको,

कतै घाटी पो निमोठ्यौ कि ?


इच्छाहरु झरिरहे झरी सगै्,

रहरहरु मरिरहे समयसगै,

अनेकौ प्रयासले नसप्रेका रहर देखि,

कतै तिम्ले प्रयास गर्नै छौड्यौ कि ?


मेरो गन्तव्यमा पाइला मिसाउदै रमाउदा,

आफ्नो र आफना छोडेर आएकी तिमी, 

दोबाटो पुगेको बटुवा जस्तै,

अलमलिएर कतै गन्तव्य नै भुल्यौ कि ?


सुन्दा, सुनाउदा ,भन्दा, गर्दा मेरै कथाहरु,

मेरै अघिल्तिर एक्लिएर तिमी,

डुबुल्किले डुबुल्की मारे जस्तै,

कतै तिमी आफैमा हरायौ की ?


म त व्यस्त, अस्त व्यस्त,

भैहाले आफ्नै बाटोमा,

तिमी सुस्त, चुस्त रहदा,

आफु पो आफु रहिनौ की ?


टिप्पणियाँ

एक टिप्पणी भेजें

इस ब्लॉग से लोकप्रिय पोस्ट

love you, yes, I do

चित्र
म प्रेम गर्छु अथाह गर्छु, त के भयो ?? मैले तिमीलाई मलाई प्रेम गर भनेर?? म तिमीलाई जुन जसरी मन पराँउछु। थाहा छ नि, अाकाशमा जुनलाई हेर्दा, हत्केलामा राखि चुम्ने चाहना सबैमा हुन्छ, सम्भव छैन , थाहा हुदाहुदै नि प्रेम त हुन्छ । म प्रेममा,  बिहानै घाम उदाँउदा, रात पर्छ भन्ने सत्य बोके झै, विश्वस्त छु । फरक छ नि, प्रेम, र चाहत बिनाको प्रेम, म तिमीलाई खोला बगे जसरी प्रेम गर्छु, एकोहोरो बगिरहेको , फर्केर अाउने अ सम्भावना बोकेर, म, म भित्रको प्रेमलाई बोकेर लम्किरहको भेललाई, समयको साथसाथै एकोहोरो पछ्यारहेछु। हिउँद, बर्षा, खडेरी केही भन्दैन  मायाको भेल यो चलिरहन्छ, तिमी छोडेर जाउ या म मरेर जाँउ, माया अमर छ, रहन्छ, रहिरहन्छ । बर्षौपछि भेटिदा,  रुप फेरिन सक्छ, सौर्न्दर्य धमिलिन सक्छ, अाखाँ हुन धोका खान सक्छन् चिन्नलाई, तर मन छ नि,  उस्तै अाश्वासन लिएर, प्रेमको अागोमा घ्यु थपिरहेको हुन्छ,। दिमागले कुनैदिन भुल्न सक्छ थाहा छ मलाई , तर यो मन, म मरिनैहालेछु भनेपछि , तिमी भेट्न अाउनु, कस्सम एकपटक भएपनि धड्कने छ, किनकि, म प्रेम गर्छु, अथाह गर्छु। I love you so much  So w...
और पढ़ें

म लाल कुमार गुलाफ

चित्र
म लाल कुमार गुलाफ म लाल कुमार गुलाफ तिम्रो  आफ्नो  तिम्ले कहिल्यै नमानेको आफ्नो  कहिँ न कहिँ तिम्ले मलाइ त देखेकै हौला  मलाइ नचिन्ने त सायदै कोहीँ होला म काँडाहरुको बिचमा बस्छु  मैले मेरो आफ्नो काडा भनेको होइन  उ त म भनेपछि मरिहत्ते गर्छ कसैले मलाइ छुन खोज्दा घोचिहाल्छ म लाल कुमार गुलाफ तिमी लाई थाहा छैन  म पहिलो पटक तिमी जन्मेको दिन  मरेको थिए तिम्रो आमालाइ बधाइ दिन तिम्रो नामा ्करणमा म फेरी मरे। तिम्रो बाबालाइ बधाइ दिन म फेरी तिम्रो ब्रतबन्धको दिन मरे तथा हरेक जन्मदिनमा मरिरहे तिमीलाइ बधाइ दिन म तिम्ले प्रेम प्रस्ताव राख्ने दिन पनि मरे तिम्रो प्रेमीकालाइ माया दिनऽ म कहिले तिम्लाइ शुभकामना दिन मरे कहिले माफी मागिदिन मरे कहिले छातीमा भाला रोपी ऽ हार बनेर मरे कहिले नाथे प्लष्टिकमा बेरिएर  निस्सासिएर मरे कहिले भगवान भन्ने ढुङ्गा माथि ठोक्किक्एर मरे कहिले तिम्रो दैलोको शोभा बनाउन  झुन्डिएर मरे कहिले शुभ साइत भन्दै कलशमा डुबेर मरे म तिम्रो, उस्को,  त्यसको  सबैको खुशीमा मर्ने गर्छु। दुखमा मर्ने गर्छु। मलाइ थाहा छ ऽ तिम्र...
और पढ़ें
चित्र
हजल 💗💗 Plot :- you will get it. म बाटो भुलेको बटुवा के दिन्छौं र मझेरीमा वास ? तिमी छौ रे रित्तो रित्तो के राखौ त मायाको आश? म रङ्ग उडेको गुलाफ हु तिमी ओईलाएकी कलि के दिउ त मिलि सुवास ? म बाटो ... म किनार घटेको नदि तिमी बर्षौ नबर्षेकी बर्षात के हुन्छौ त हामी समास ? म बाटो ... म अगाडि रङ्गमञ्चमा उभेछु तिमी पर्दा पछि छौ छुपुवा के राख्छौ त निस्कने साहस म बाटो ... तिमी उत्तरी ध्रवकि चिस्यान म मरुभूमिको सुख्खा बालुवा के रचौ त मिलि ईतिहास ? म बाटो भुलेको बटुवा के दिन्छौं र मझेरीमा वास ? तिमी छौ रे रित्तो रित्तो के राखौ त मायाको आश?
और पढ़ें